ચેમ્પિયન ટ્રોફીની સેમિફાઇનલમાં ઓસ્ટ્રેલિયાએ ભારતને 265 રનનો ટાર્ગેટ આપ્યો

ચેમ્પિયન ટ્રોફીની સેમિફાઇનલમાં ઓસ્ટ્રેલિયાએ ભારતને 265 રનનો ટાર્ગેટ આપ્યો

Blog Article

દુબઈમાં મંગળવાર, 4 માર્ચે ચેમ્પિયન્સ ટ્રોફીની પ્રથમ સેમિફાઈનલમાં ઓસ્ટ્રેલિયાએ ભારતને વિજય માટે 265 રનનો ટાર્ગેટ આપ્યો હતો. સાઉથ આફ્રિકા અને ન્યૂઝીલેન્ડની ટીમ વચ્ચે બીજી સેમિફાઈનલમાં રમાશે.
જો ભારત આ લક્ષ્યને હાંસલ કરવામાં સફળ થશે તો તે ICC ઇવેન્ટના નોકઆઉટ રાઉન્ડમાં ઓસ્ટ્રેલિયા સામે સૌથી વધુ રનનો ટાર્ગેટ હાંસલ કર્યો હશે.

દુબઈ ઈન્ટરનેશનલ સ્ટેડિયમમાં ઓસ્ટ્રેલિયાએ ટૉસ જીતીને પહેલા બેટિંગ પસંદ કરી હતી. ભારતની શિસ્તબદ્ધ બોલિંગના પગલે ચેમ્પિયન્સ ટ્રોફી 2025ની પ્રથમ સેમિફાઇનલમાં ભારતે ઓસ્ટ્રેલિયાને 264 રનમાં ઓલઆઉટ કર્યું હતું. આ મેદાન પર ઓસ્ટ્રેલિયાએ ખડો કરેલો આ સૌથી મોટો સ્કોર છે. મોહમ્મદ શમીએ 48 રનમાં 3 વિકેટ લઇને સૌથી સારો દેખાવ કર્યો હતો. વરુણ ચક્રવર્તી અને રવીન્દ્ર જાડેજાએ બે-બે વિકેટ લીધી હતી.

અક્ષર પટેલ અને હાર્દિક પંડ્યાને પણ એક-એક વિકેટ મળી હતી. ઓસ્ટ્રેલિયા માટે સ્ટીવ સ્મિથે સૌથી વધુ 96 બોલમાં 73 રન બનાવ્યા હતાં, જ્યારે એલેક્સ કેરી 57 બોલમાં 61 રન અને ટ્રેવિસ હેડ 33 બોલમાં 39 રનની મહત્વની ઇનિંગ રમી હતી.

 

Report this page